Le singularitate technologic

Le singularitate technologic, o simplemente le singularitate, es un puncto hypothetic in tempore a que crescimento technologic deveni incontrolabile e irreversibile, resultante in cambios imprevisibile in le civilisation human.

Secundo le version le plus popular de le hypotheso del singularitate, nominate "explosion de intelligentia", un agente intelligente meliorabile finalmente entrara un "reaction inarrestabile" de cyclos de auto-melioration, cata generation nove e plus intelligente apparente plus e plus rapidemente, causante un "explosion" in intelligentia e resultante in un superintelligentia potente que qualitativemente multissime surpassa omne intelligentia human.

Le prime uso de le concepto de un "singularitate" in le contexto technologic esseva per John von Neumann. Stanislaw Ulam reporta un discussion con von Neumann "centrate in le progresso accelerante de technologia e cambios in le modo de vita human, que da le apparentia de approchar alicun singularitate essential in le historia del specie ultra que affaires human, como nos los cognosce, non poterea durar". Autores subsequente ha echoate iste opinion.

Le modello "explosion de intelligentia" per I. J. Good predice que un future superintelligentia causara un singularitate.

Le concepto e le termino "singularitate" esseva popularisate per Vernor Vinge in su essayo de 1993 The Coming Technological Singularity, in que ille scribeva que illo signalarea le fin del era human, nam le nove superintelligentia continuerea se meliorar e avantiarea technologicamente a un rapiditate incomprensibile. Ille scribeva que ille esserea surprendite si illo evenirea ante 2005 o post 2030.

Personas public como Stephen Hawking e Elon Musk ha exprimite anxietate que intelligentia artificial plen (AI) poterea resultar in extinction de le specie human. Le consequentias de le singularitate e su possibile beneficio o detrimento al specie human ha essite intensemente debattate.


Secundo Wikipedia in anglese


Back to Interlingua

James Chandler 11-Jun-20