Le Scala Espaniol

Le Scala Espaniol (in italiano: Scalinata di Trinità dei Monti) es un scala famose in Roma, le capital de Italia.

Le scala ascende un inclination scarpate inter le Piazza di Spagna al base, e le Piazza Trinità dei Monti dominate per le ecclesia Trinità dei Monti al alto.

Le scala monumental de 135 passos (on frequemente crede in error que le systema de disaquamento pauco elevate es le prime passo) esseva constructe per le moneta legate de le diplomate francese Étienne Gueffier de 20.000 scudi, durante 1723-1725, pro ligar le ecclesia Trinità dei Monti a le Sede Sancte in Palazzo Monaldeschi.

Le scala esseva designate per le architectos Francesco de Sanctis e Alessandro Specchi.


Le Scala Espaniol con touristas

In le Piazza di Spagna al base es le fontana baroc Fontana della Barcaccia ("Fontana de le barca longe"), constructe inter 1627-29 probabilemente per Pietro Bernini, patre de un filio plus famose, Gian Lorenzo Bernini, qui probabilemente collaborava in le decoration. Le plus vetere Bernini habeva essite le architecto del papa pro le Acqua Vergine, desde 1623. Secundo un legenda, Papa Urban VIII faceva le fontana se installar post que ille habeva essite impressionate per un barca apportate a hic per un inundation de le fluvio Tiber.

In le Piazza, al angulo al dextera si on comencia ascender le scala, es le casa ubi le poeta anglese John Keats viveva e moriva in 1821; illo es nunc un museo dedicate a su memoria, plen de souvenires de le generation Romantic Anglese.

Le Keats-Shelley House es un museo super scriptores que commemora le poetas Romantic John Keats e Percy Bysshe Shelley. Le museo contine un de le collectiones le plus ample del mundo de souvenires, litteras, manuscriptos, e picturas in relation a Keats e Shelley, ultra Byron, Wordsworth, Robert Browning, Elizabeth Barrett Browning, Oscar Wilde, e alteres. Illo es locate sur le secunde etage del edificio situate al sud del base de le Scala Espaniol e al est de le Piazza di Spagna.

Al le mesme dextere latere sta le palatio del cardinal del 15esime seculo Lorenzo Cybo de Mari, nunc Ferrari di Valbona, un edificio alterate in 1936 secundo designos per Marcello Piacentini, le principal urbanista durante Fascismo, con terrassas moderne que es perfectemente in harmonia con le circumferente contexto baroc.

Le film Roman Holiday (1953), con le actores Audrey Hepburn e Gregory Peck, faceva le Scala Espaniol famose a un audientia statounitese. Le appartamento que esseva le scena de The Roman Spring of Mrs. Stone (1961) es al dextera de le Scala. Le scena de Besieged (1998) per Bernardo Bertolucci es in un casa apud le Scala. Le Scala anque pareva in le version de cinema de The Talented Mr. Ripley (1999), con le actore Matt Damon in le rolo de titulo.


Secundo Wikipedia in anglese


Back to Interlingua

James Chandler 09-Jun-20