Le signification de un parola in diverse linguas

Super le parola prima


Le parola "prima" occurre in diverse linguas e sembla haber in ille linguas tres significationes principal:

  1. prime
  2. cosina
  3. bon, bonissime, excellente, ben
Secundo le sito Wiktionary le prime signification occurre in italiano con plure variantes:

prima
1. ante
2. un vice, olim, anteriormente
3. plus tosto
4. prime, le prime

Iste signification occurre etiam in romaniano.

In anglese "prima" occurre in plure phrases fixe prestate ab italiano o latino:

prima donna
prima ballerina
prima facie

Le secunde signification "cosina" occurre in plure linguas romance e linguas creol: espaniol, portugese, galleco, Papiamentu, Kabuverdianu.

Le tertie signification occurre in plure linguas germanic: hollandese, svedese, germano; e in plus checo. Ecce alicun exemplos in nederlandese:

Het is prima weer vandaag - Il face bon tempore hodie
Die wijn is prima - Ille vino es excellente

Altere significationes es posibile. In catalano, galleco e espaniol "prima" pote significar "bonus, premio".

In le lingua occitan "prima" significa primavera. In portugese "prima" etiam pote significa "le chorda le plus tenue de un instrumento musical", o un ave de preda feminin.

Le parola "prima" etiam occurre in linguas international. In Ido "prima" significa "prime, primari". En Esperanto "prima" es un adjectivo que refere "primo", numero prime.



Back to Interlingua

James Chandler 08-Jul-20