Usana viro vizitas mikra mexikiana pesko-vilajo e renkontras peskisto qua pasas sua dii peskanta, ludanta kun sua filii, e repozanta kun sua spozino. L'usano ofras helpar la peskisto plubonigar sua vivo per komprar plu granda batelo. "Kun plu granda batelo vu povus kaptar plu multa fishi," explikis l'usano.
"Pro quo?" questionis la peskisto.
"Por ke vu povez komprar plu multa bateli e ganar plu multa pekunio," venis la respondo.
"Pro quo?" imploris la peskisto itere.
"Por ke vu povez konstruktar pesko-imperio, proprietar fabrikerio, e fine retretar a pacoza, quieta vivo apud la maro, ludar kun vua filii, e repozar kun vu spozino," l'usano explikis.
La peskisto pauzis, e lore questionis, "Ka ton me ne ja agas nun?"
(Tradukita da James Chandler.)
James Chandler 05-Dec-24