Novas scientific: fusion nucleari

Le projecto de fusion nucleari le plus grande del mundo ha entrate su phase de montage que durara cinque annos.

Post iste phase, le sito potera comenciar generar le "plasma" super-calde requirite pro energia fusional.

Le sito que costava 20 milliardo euros ha essite construite in Saint-Paul-lez-Durance, in Francia meridional.

Advocatos dice que fusion pote esser un fonte de electricitate munde e illimitate que adjutarea tractar le crise climatic.

Iter es un collaboration inter China, le Union Europee, India, Japon, Corea del Sud, Russia e le Statos Unite. Omne membros contribue a le costo de construction.

Energia nucleari actualmente depende de fission, ubi un elemento chimic grave se finde pro producer plus legieres.

Fusion nucleari, al altere latere, functiona per combinar duo elementos legier pro facer un elemento plus grave.

Isto libera enorme amontas de energia con multo pauc radioactivitate.

Iter confinara plasma calde in un structura nominate un "tokamak" pro controlar reactiones fusional.

Le projecto visara adjutar a demonstrar si fusion pote esser viabile commercialmente. Le presidente de Francia Emmanuel Macron diceva que le effortio unira paises circa un ben commun.

Al sito plasma potera esser generate in le machina - un comenciamento notional de operationes - un tempore curte post le fin del phase de montage in 2025.


Secundo BBC News


Back to Interlingua

James Chandler 01-Aug-20