Les Deux Magots

Les Deux Magots es un café famose in le quartiero Saint-Germain-des-Prés de Paris, le capital de Francia.

Illo un vice habeva un reputation como le loco de rendez-vous del élite literari e intellectual de le citate. Illo es nunc un destination popular pro touristas.

Su reputation historic es derivate de su popularitate inter artistas surrealistic, intellectuales como Simone de Beauvoir e Jean-Paul Sartre, e scriptores juvene, como Ernest Hemingway. Altere clientes regular includeva Albert Camus, Pablo Picasso, James Joyce, Bertolt Brecht, Julia Child, e le scriptores statounitese James Baldwin, Chester Himes e Richard Wright.

Le origine de le nomine

"Magot" literalmente significa "figurina grosse ab le Oriente Extreme". Le nomine originalmente pertineva a un boteca de drappo e novitates in le proxime 23 Rue de Buci. Le boteca vendeva subvestimentos de seta e prendeva su nomine ab un drama popular de ille tempore (le seculo 1800) intitulate Les Deux Magots de la Chine. Su duo statuas representa "mandarines" o "magos" chinese (e "alchemistas", dependente de su puncto de vista philosophic), qui reguarda serenmente super le camera.

In 1873, le affaire se moveva a su location actual in le Place Saint-Germain-des-Prés. In 1884, le affaire se cambiava a un café e liquorista, conservante le mesme nomine.


Secundo Wikipedia in anglese


Back to Interlingua

James Chandler 12-Jun-20