Le nomines de le Republica Chec

Le nomines official formal e curte del Republica Chec (registrate al Nationes Unite) es Česká republika e Česko in checo, e [the] Czech Republic e Czechia in anglese.

Omne iste nomines es derivate ab le nomine de le checos, le gruppo ethnic west-slave indigene in le paises chec.

Czechia, le curte nomine official anglese specificate per le governamento chec, es usate per multe organisationes international e attestate tan tosto como 1841. Totevia, le major parte del parlatores de anglese usa [the] Czech Republic in omne contextos.

Altere linguas generalmente habe official uso plus grande de un curte forma analoge a Česko o Czechia (per exemplo in francese [la] Tchéquie) ben que formas equivalente a "Republica Chec" non es inusual.


Le bandiera national de Chechia

Post le dissolution de Checoslovachia in 1992, le nove stato chec careva un curte nomine commun in anglese. Le Ministerio Chec de Affaires Estranie recommendava le nomine anglese Czechia in 1993, e le governamento chec approbava Czechia como le curte nomine official in 2016.

Le nomine in checo Čechy es ab le mesme radice mais significa boheme, le region historic le plus occidental e grande de le paises chec e le Republica Chec moderne. Le nomine Bohemia es un exonymo derivate ab le Boii, un tribo celtic que habitava le area ante que le slavos antique arrivava.

Le Paises del Corona Boheme (1348-1918) esseva parto de le Sancte Imperio Roman; sovente nominate "le paises chec", illos a vices se extendeva plus distante, a tote Silesia, Lusatia, e diverse territorios plus parve. Le adjectivo in checo český significa e "chec" e "boheme".

Ecce le curte nomine de le Republica Chec in qualque linguas national e international:

anglese: Czechia
francese: Tchéquie
espaniol: Chequia
italiano: Cechia
germano: Tschechien
checo: Česko

Interlingua: Chechia
Esperanto: Ĉeĥio o Ĉeĥujo
Ido: Chekia


Secundo Wikipedia in anglese


Back to Interlingua

James Chandler 25-Jun-20